Creación de Mapas Conceptuais

Para rematar o tema de "Sistemas Operativos" tedes que realizar un mapa conceptual onde aparezan os contidos cos que estivemos a traballar.
Lembrade que un mapa conceptual é unha representación gráfica do coñecemento que están formados por conceptos que se relacionan entre si por medio de palabras e liñas de enlace formando así oracións.
Os mapas conceptuais estrutúranse en forma xerárquica na que os conceptos máis xerais están na raíz da árbore e a medida que imos descendendo polo mesmo ímonos atopando con conceptos máis específicos.

Como construír un mapa conceptual?

1. Seleccionar un tema
2. Agrupar
3. Conectar

Seleccionar

Despois de ler un texto, seleccionar os conceptos cos que se vai a traballar e facer unha lista con eles.

Agrupar

Agrupar os conceptos cuxa relación sexa próxima.

Conectar

Conectar os conceptos mediante enlaces. Un enlace define a relación entre dous conceptos, e este ha de crear unha oración correcta. A dirección da frecha dinos como se forma a oración.

Agora deixovos algunhas opcións para construir os vosos mapas:

1.  Cmaps Tools.
   
   
   
   * Sistemas operativos: Windows, Linux, MacOS e Solaris
   * Ten carácter gratuíto. Descarga do programa.
   * Fácil de usar. Dispón de bos e completos tutoriales.
   * Permite o traballo con ou sen conexión a Internet, aínda que se obtén o máximo rendemento se se traballa con conexión.
   * Dispón dunha versión do programa para instalar en servidores.
   * Ofrece aloxamento web gratuíto para a publicación dos mapas en Internet, sen máis complexidade que a de crear un cartafol nalgún dos servidores públicos de IHCM e aloxando o mapa nela, accédese a esta opción desde o propio programa. O/a creador/a convértese en administrador da mesma e establece os permisos dos demais usuarios:
   Só lectura
   Engadir anotacións
   Modificar
   Administrar
   * Permite traballo colaborativo
2. XMind ,software libre e multiplataforma ademais existe unha versión portable comprimida en ZIP e executable en cualquera sistema, pensada para facelo dende un pendrive. 
3. Mindmeister ,aplicación web colaborativa. Só necesita que nos rexistremos no sitio e permite exportar os diagramas a varios formatos.
4. 
   
   Free Mind, baseado en Java, Open Source, e baixo licenza GPL. É un software lixeiro, doado de instalar, configurar e utilizar. Ao ser Java é multipltaforma e, polo tanto, dispoñible en Windows e GNU/Linux. Permítenos publicar os mapas en páxinas Web; exportalos a PDF imágenes, e tamén a formatos de gráficos vectoriais de maior calidade; de forma que compartir os nosos mapas sea fácil.