As liñas de tempo constitúen unha forma perfecta para representar momentos destacados en datas concretas. Poden ser de gran utilidade para resaltar acontecementos históricos, evolución dunha determinada tecnoloxía, etc. Na Rede existen espazos que permiten crear liñas de tempo para ser embebidas nos nosos blogs. Un destes espazos é timetoast, que destaca por dispor de liñas de tempo moi personalizables.
Previo rexistro, dunha forma fácil e simple creamos a nosa liña de tempo en poucos minutos. Para iso só haberemos de crear unha nova liña de tempo, engadir os eventos correspondentes (permite engadir imaxes e enlaces) e por último publicar. Unha vez publicada a liña de tempo só habemos de copiar o código que o espazo nos proporciona no lugar elixido do noso blog.
No hay comentarios:
Publicar un comentario