Por que utilizar software libre na escola segundo Richard Satllman

Parabéns Federico!

Como sabedes hai uns días o noso compañeiro Federico Pedreira Nores, alumno de 1º curso de Bacharelato do IES SOFÍA CASANOVA conseguiu o primeiro premio entre as 44 poesías presentadas ao concurso de Poesía Minerva 2009, convocado polo Colexio Peleteiro de Santiago coa súa triloxía "Pausas, ademais do primeiro premio na súa categoría no II Premio Literario Escolar para poemas e relatos de Caixanova.

Noraboa Federico!

Se queredes escoitar unha das súas poesías podédelo facer no seguinte Podcast.

 

Deste xeito aproveito tamén para falarvos de Audacity un programa doado e eficaz para reproducir e editar arquivos de audio. O seu uso permitenos crear e transformar audios para despois insertalos a modo de podcasts nos nosos blogs. Audacity permítenos grabar sons dende distintas fontes (a mais usada é o micrófono) para despois editar e exportar a formato WAV, MP3 u OGG.

Nas seguintes ligazóns podedes ampliar información

Web oficial de descarga
Video titorial
Titorial sinxelo
Titorial mais completo

Condenado por publicar a foto dun compañeiro en Tuenti

No xornal "El País" aparece unha noticia que fala dun rapaz de Sevilla condenado a pagar unha multa de 100 euros por publicar unha foto dun compañeiro de clase na rede social Tuenti.

A sentenza recoñece que a foto foi editada para provocar a burla e os comentarios despectivos.

Es coñecedor de que estes comportamentos constitúen feitos delictivos?, ou pensas que son bromas normais entre a xente da túa idade e que carecen de importancia.

Deixa os teus comentarios

Morre Mª Amelia a avóa blogueira

O mércores 20 de Maio morreu Mª Amelia a avóa blogueira. Fíxose famosa cando empezou a escribir o cumplir 95 anos un blog regalou o seu neto. Dende ese momento o blog empezou a ser un dos máis visitados da rede, o que lle valeu para conseguir varios premios entre eles o Best of Blogs, da cadea de televisión internacional alemana Deutsche Welle á mellor bitácora en español. 
Mª Amelia foi entrevistada en moitas ocasións por infinidade de medios, e tamén a visitou o presidente do goberno José Luis Rodríguez Zapatero.
Era un exemplo de vitalidade, de gañas de aprender e de bo rollo.
 

Deixovos a ligazón o seu blog.  http://amis95.blogspot.com/


Descanse en paz

A Xunta de Galicia gasta máis de 2 millóns de euros en renovación de licenzas Microsoft

Onte apareceu en Barrapunto esta nova, " A Xunta de Galicia gasta máis de 2 millóns de euros en renovación de licenzas Microsoft".
Lea, reflexiona e di cal é a túa opinión respecto diso na sección de comentarios desta entrada

A historia de Internet

Podes ver o vídeo subtitulado ó pulsar a última icona da dereita no player, menú “activar subtítulos” e seleccionar da lista a linguaxe desexada

Seguridade nas redes sociais

Rocío Cabanillas no Blog de Recursos Tic en Educación, explica o decálogo para facer uso das redes sociais de forma segura da empresa S21sec que resumimos a continuación:

1- Non indiques datos persoais como a túa dirección, traballo ou teléfono.
2- Utiliza un contrasinal complexo.
3- Se decides incluír información sobre os teus gustos, afeccións ou preferencias ten
en conta que podes sufrir un bombardeo de publicidade non desexada.
4-Algunhas redes ofrecen a posibilidade de utilizar a túa conta de correo electrónico, ten en conta que se se fornece o contrasinal, sempre a piden, existe o risco que poidan acceder ás túas mensaxes.
5- Non inclúas datos bancarios ou dos teus cartóns de crédito. Verifica os medios de pago seguros habituais (conexión https:, verified by visa, etc.)
6- Non deas nunca información sobre a túa situación laboral, familiar ou futuros plans e viaxes.
7- Cando subas fotos ou vídeos ten en conta que algunhas redes sociais obrigan a aceptar a cesión da xestión dese material.
8- Non publiques fotos comprometedoras túas ou dos teus amigos ou coñecidos, ou se o fas acórdate de restrinxir as persoas que teñen acceso ás mesmas.
9- Non confíes sempre en todo o que atopas na rede.
10- Antes de engadir un novo contacto a túa lista de amigos trata de informarte ben sobre él.

Ataque de virus en Fotolog

Aquí vos deixo unha entrada que apareceu en Blogoff que fala dun virus que se distribúe a través de Fotolog.com.

Botádelle un ollo porque é moi interesante para todos os usuarios de Fotolog.com, que ben sei que sodes moitos.

Vía: Blogoff.es

Nos pensamos, nos compartimos

Para organizar as túas clases

Hoxe quero presentarvos unha aplicación que vos pode ser de moita axuda nos vosos estudos.

mySchoolog é unha aplicación en liña baseada en tecnoloxía web, coa que os estudantes poden organizar facilmente a súa vida escolar. Permite crear unha axenda semanal de materias orgaanizar unha lista de tarefas exportala a PDF, TXT.. e recibir notificacións das tarefas a través de e-mail. Tamén dispón dun editor de texto para tomar apuntes online e un apartado de "Notas".

Spotify

Se hai unha aplicación que está de moda nos últimos días esa é sen dúbida Spotify. Trátase dun reprodutor musical co cal non necesitaremos ter na nosa máquina toda a nosa discografía, ao conter esta aplicación unha ámplia libraría musical na cal podemos atopar todo o catálogo de discográficas tan importantes como EMI, Universal, Sony BMG e Warner Music.

En teoría, para acceder á aplicación é necesaria unha invitación, aínda que hai unha url aberta (https://www.spotify.com/en/get-started/) na cal poderemos rexistrarnos sen necesidade dela. Unha vez rexistrados poderemos acceder á descarga dun programa que necesitaremos instalar no noso computador. Existe versión tanto para windows como para mac, faltando para linux, aínda que na mesma páxina móstranse os pasos necesarios para facer funcionar a versión de windows en linux mediante Wine.

A aplicación chama a atención pola súa sinxeleza, cunha aparencia limpa e simple, na cal contamos cun buscador, onde poderemos atopar case calquera canción (e cada día amplíase máis a oferta) ou diferentes radios para escoitar e descubrir música de diferentes décadas e temáticas. Ademais, poderemos crear as nosas propias listas de reprodución, e mesmo compartilas con outros usuarios mediante unha ligazón que podemos obter. Ésta foi unha das causas polo que a aplicación está en boca de todo o mundo, xa que en calquera momento podemos mostrarlle aos nosos amigos unha lista coas nosas cancións favoritas.

Existe unha versión gratuíta, na cal a única limitación é que cada certo número de cancións introduciranos unha cuña publicitaria. Tamén dispomos de versións de pago, sendo o seu prezo de 0.99 € ao día ou 9.99€ ao mes, nas cales non aparecerá publicidade.

Seso con Miolo

A falta de información sobre sexualidade e anticoncepción; o risco para a saúde que supoñen as infeccións de transmisión sexual e o incremento dos embarazos non desexados entre os máis novos,levou a varias organizacións a formar unha Plataforma Nova e a pór en marcha a Campaña "Sexo con seso".
Así que hoxe gustaríame recomendarvos esta páxina na que se tratan temas como os diferentes métodos anticonceptivos, ITS, etc, ademais poderás compartir experiencias con outros mozos que contan as súas historias, ter acceso a xogos, test ou información sobre películas e libros que farán que o teu paseo por "Sexo con seso" sexa moi entretido.

Ligazón: Sexo con seso

Google Earth amosa 14 obras maestras do Museo do Prado en alta resolución

No blog de Google earth atopámonos un interesante entrada que nos informa dunha nova capa para Museo do Prado. Ten de especial que mostra unha selección de 14 pinturas que foron escaneadas a unha resolución moi alta.

Pódese seleccionar unha foto e ver algúns detalles sobre o cadro, e despois clicar na imaxe máis grande para voar dentro do museo e vela en alta resolución.
Para acceder a ela hai que buscar o Museo do Prado en Google Earth, unha vez alí seleccionar a capa (atópase á entrada do edificio). É verdadeiramente incrible, pódense ver as pinceladas individuais, as texturas das lonas e nalgúns casos gretas na superficie da pintura.

Visita a Roma antiga en 3D

Ver en 3D todos os pormenores da Roma antiga agora é posible grazas a Google Earth.
Por primeira vez, Google publicou unha capa especial cun modelo 3D dunha cidade antiga en Google Earth.

A capa contén máis de 6.700 modelos de edificios 3D e pódese aprender máis dos edificios facendo clic nas máis de 250 marcas de posición de lugares craves e nos vínculos que aparecen nas descricións e que levan ao público cara a información da enciclopedia topográfica, fontes de bibliotecas antigüas, literatura antigüa, etc.

Unha característica extra da cidade 3D é que 11 edificios conteñen interiores visibles - por exemplo: a Basílica de Maxentius, o Coliseo, o Foro de Xullo César, Ludus Magnus, Templo de Venus e Roma, Templo de Vesta, Rexia, Basílica Lulia, Basílica Aemelia, Curia Iulia, Tabularium.

Na capa "Roma antiga en 3D" podes:

* Voar á Roma do ano 320 d. C.
* Pasear polo interior de edificios famosos
* Visitar sitios en 3D como o Foro Romano, o Coliseo e o Foro de Xullo César
* Aprender como vivían os romanos

A descarga e gratuíta e podes tamén visitar o blog de Google Earth

Convocadas 2 650 prazas de inmersión lingüística

A Consellería de Educación e Ordenación Universitaria convoca 2.650 prazas para realizar actividades de inmersión lingüística no verán de 2009.

Prazo límite de solicitude o 9 de febreiro. A solicitude debe facerse na páxina da Xunta

O trámite pódese realizar dende equipos informáticos do propio centro.

Galinux

A Xunta lanza Galinux, un sistema operativo libre, gratis e en galego.

O novo sistema pódese descargar gratis na Red ou a través dos cedés que repartirá a Xunta.

O conselleiro de Innovación e Industria, Fernando Blanco , presentou hoxe «Galinux», un sistema operativo baseado en software libre, con todas as aplicacións incluídas, ademais das actualizacións, que foi promovido polo Centro de Referencia e Servizos de Software Libre de Galicia (Mancomún), que depende da Consellería.

Chats de vídeo e audio con Gmail

Vía Genbeta, entérome que nos próximos días poderemos realizar chats de vídeo a través de Google Talk.

Será necesario instalar un pequeno plugin no noso sistema, que funcionará cos principais navegadores web.

O plugin podémolo descargar desta páxina, e despois activaremos a posibilidade de establecer chat de audio e vídeo desde o menú opcións do widget de Gmail Chat, e só nos queda seleccionar e abrir a ventá de calquera contacto que teñamos activo nese momento.

Para facernos unha idea do seu funcionamento, aquí temos un vídeo.