Felicitacións de Nadal

Achégase o Nadal e con iso a oportunidade de contactar con amigos e familiares. Ë época de enviar as tradicionais postais do Nadal. Existen na Rede algúns espazos que nos ofrecen a creación das nosas propias postais que podemos embeber nos nosos blogs ó imprimir. Algúns deses espazos son:

- Kisseo. Postais interactivas con boa calidade de deseño, aínda que con poucas opcións de personalización.

- Cartóns.com. Creación dos nosos propios cartóns que permite inserción nos blogs.

- 1001 Postales. Postais clásicas con gran cantidade de categorías e moitas opcións de personalización.

- Postales.com. Deseño gracioso e de calidade con servizos engadidos.

- Postales Ozu. Opcións de personalización únicas e mensaxes en HTML.

- Saludos virtuales. Podemos usar as nosas propias fotos, voz e música. Dispón de máis de 900 cartóns.

En que fase estás?

Alex Hughes reflectiu con bastante acerto as etapas polas que pasa a vida blogger, desde que empeza a enredar co teu primeiro blog, ata que por fin consegues liberarte e descansar, En que fase te atópas?

A túa vida de blogger empeza como quen non quere a cousa, créas un blog, o teu primeiro texto, a túa primeira imaxe, o teu primeiro enlace....que fácil é todo!.Sen querelo nin bebelo un día dáste conta de que iso que ti escribes, leo alguén máis, ao principio asusta un pouco, pero logo te afás e mesmo de cando en vez ponche un comentario alguén que non coñeces de nada, moi ben raparigo!. Empeza iso que chaman feedback, coidado que engorda!
Créase unha comunidade ao redor da túa blog, a túa familia, os teus amigos, os teus compañeiros de traballo, as visitas van aumentando, pos o teu primeiro contador, o teu primeiro mapa de visitas, se é posible con banderitas, que se vexa que es internacional!Máis e máis visitas, débeste aos teus lectores, estás en todo momento á caza da noticia, empezas a superar o ancho de banda do teu servidor, o blog vai absorbendo a túa vida, un post, outro e outro estás a chegar ao cume da túa carreira! es superfamoso!
Conseguíchelo, estás exhausto, xa non podes máis, acabáronse os posts, por fín podes descansar, a túa obra será recordada por xeracións de internautas, pódeste ir en paz, xa cumpriches coa rede.

Vía Tecnotic

O blog ou caderno dixital

Un autor ou un grupo reducido deles, escribe un contido sobre o que os lectores poden opinar.
Organízase de maneira que o último escrito é o primeiro que se pode ler, e os comentarios dos lectores pódeselles dar mais ou menos importancia.

Un blog con unha actualización frecuente pode ter un bo número de lectores que coas súas opinións e comentarios enriquecen o tema tratado nunha determinada entrada.
O blog pode ser un taboleiro de anuncios, o profesor pode publicar enlaces e contidos.
O blog pode utilizarse para organizar o debate na clase sobre un determinado tema.
O profesor pode empregalo blog para organizar seminarios e resumes dos temas ou lecturas.

O estudante pode:

• Escribir os seus propios blogs.
• Introducir comentarios noutros blogs.
• Aportar enlaces.
• Expoñer dúbidas e realizar preguntas, enriquecendo a aprendizaxe

O noso primeiro Blog

Hoxe na clase, estivemos aprendendo a facer un blog en Blogger un servizo de creación e aloxamento de blogs propiedade de Google.
Na sección de Aula Virtual da páxina web do instituto podemos acceder o curso de Creación e uso educativo de blogs no que atoparedes información para crear e configurar o voso blog.