Google Latitude, para saber onde están os teus amigos

Google Latitude é o nome dunha nova aplicación de Google que che axuda a situar aos teus amigos no mapa. O servizo, que se lanza hoxe, é unha aplicación de Google Maps para móbiles que permite compartir a túa localización con amigos e familiares. Aínda que non indica a túa posición exacta permíteche coñecer aproximadamente onde están os teus amigos nun momento dado.

Mediante unha conta de Google, pódese aceptar Latitude para convidar a amigos e familiares a que se unan tamén. Cando acepten a solicitude, é posible ver os seus perfís mostrados nun mapa desde o teu dispositivo móbil.
Unha vez que compartida a localización, tamén é posible ocultala a certos amigos ou a todos eles

Google Latitude permite quedar espontaneamente cun amigo cando estea cerca, manter o contacto con familiares e coñecidos que están na distancia ou atopar aos amigos en grandes aglomeracións, como acontecementos deportivos ou concertos.

Mediante Latitude podes picar sobre a icona dun amigo para chamarlle, enviarlle un sms, unha mensaxe instantánea ou un correo electrónico. Latitude tamén pode darche indicacións para atoparlles.

Unha vez que compartida a localización, tamén é posible ocultala a certos amigos ou a todos eles ou mesmo desactivar Latitude completamente en calquera momento para conservar a privaacidad cando así se desexe. Ademais, pódese definir o nivel de privacidade individualmente.

Google Maps

Desde o ano 2005, Google puxo en funcionamento un sevicio gratuíto de mapas dixitais que permiten o desprazamento por toda a xeografía do globo terráqueo e a localización de cidades, montañas, ríos ou calquera outro compoñente da paisaxe da Terra. Baséase en mapas creados a partir dos satélites que teñen a súa órbita xeoestacionaria sobre a Terra, e que son os mesmos que utilizan os dispositivos GPS.

Existen varios modos de traballar con Google Maps, nos seguintes vídeos podes aprender como funciona.